InicioPolíticaCatro anos sen poder adiantar entre Os Peares e Ourense

Catro anos sen poder adiantar entre Os Peares e Ourense

O PP denuncia que o Ministerio de Transportes, Movilidad y Agenda Urbana leva dende novembro do 2017 redactando o proxecto para a implantación de carrís de adiantamento na N-120 entre Os Peares e Ourense.

Publicado o

POR
Redacción
- Advertisement -

Os populares cren que este “descomunal espazo temporal que ocupa a redacción dun proxecto coma este” responde a “un deliberado abandono por parte do Ministerio á hora de mellorar as comunicacións entre as comarcas de Valdeorras, Lemos e Ourense,  que suporía a sensible redución dos tempos de viaxe”.

Os deputados veñen facendo un seguimento a este proxecto de trazado de implantación de carrís desta estrada nacional que contribuiría a solucionar os problemas que xeran as liñas continuas que impiden os adiantamentos durante máis de 22 quilómetros, entre o Alto da Guítara e Ourense.

Desde que a redacción do proxecto se iniciara en novembro do 2017, durante o Goberno presidido por Mariano Rajoy, os deputados lévanse interesado en varias ocasións polo inicio destas melloras, “Trátase tamén dunha notoria falta de respecto ao noso labor como parlamentarios non dar unha data da finalización dos traballos de redacción dos proxectos”. Inciden, así mesmo, en que “a necesidade da implantación destes carrís é unha demanda unánime por parte da sociedade: automobilistas, transportistas, alcaldes e distintos partidos políticos”.

Os deputados populares seguirán insistindo porque “urxe activar a finalización deste proxecto para que poida someterse a información pública que é paso previo á redacción do proxecto construtivo.”

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...