InicioPolíticaO PP levará ao Senado a perda de internet e teléfono no...

O PP levará ao Senado a perda de internet e teléfono no Courel

O PP da provincia de Lugo levará ao Senado a perda de servizos de comunicacións fixas -teléfono e internet- en Folgoso do Courel, tralo anuncio do peche da central de cobre por parte de Movistar, que lle dá servizo ao municipio.

Publicado o

POR
Redacción
- Advertisement -

Segundo os populares, moitos veciños perderán os números de teléfono de toda a vida “e que, nalgúns casos, son o seu único medio para comunicarse con familiares e servizos sanitarios. A perda de conexión a internet tamén incrementará a fenda dixital para os veciños da zona”.

A operadora Movistar ofrece aos veciños establecer conexión de fibra óptica -que non chega a moitos dos lugares máis apartados do municipio-, por ondas de radio ou por satélite -que tampouco chegan a moitas aldeas-. Polo tanto, “ningunha das tres opcións é válida”, explican os senadores populares.

O peche da central de cobre que dá servizo ao concello de Folgoso do Courel por parte de Movistar ten que ver coa primeira fase do Plan de Telecomunicacións do Estado para instalar fibra óptica, segundo sinalan desde o PP, “pero o Goberno central parece descoñecer ou non importarlle que para moitos lugares da xeografía española, como é o caso do Courel, a rede de cobre é, polo momento, a única opción viable”. Estas cuestións serán levadas ao Senado para que non se sigan perdendo estes servizos.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...