InicioPolítica"A supresión de liñas ferroviarias perxudica aos usuarios do sur de Lugo",...

“A supresión de liñas ferroviarias perxudica aos usuarios do sur de Lugo”, aseguran os senadores populares

Os senadores do PP na provincia trasladan ao Goberno que a última supresión de liñas ferroviarias prexudica aos usuarios do sur de Lugo.

Publicado o

POR
Redacción
- Advertisement -

Desde o PP aseguran que Renfe segue eliminando as frecuencias ferroviarias na provincia. “Agora tócalle ao sur da provincia, cuxos usuarios se ven prexudicados polos cambios nos horarios das liñas que chegan da Coruña e Vigo, modificados coa escusa da chegada da alta velocidade ferroviaria”, aseguran os populares. Por este motivo, os senadores lucenses -José Manuel Barreiro, Rosa Arza, Manuel Varela e Juan Serrano- instarán ao Goberno de Pedro Sánchez a reparar “o grave dano” que está a causar aos usuarios do sur da provincia “con tal política de recortes”.

Segundo os populares estes cambios nos horarios provocaron que o organismo ferroviario abandonase as conexións das cidades da Coruña, Santiago de Compostela e Vigo con Areas (Sober), Canaval (Sober), Monforte de Lemos, A Pobra do Brollón e San Clodio-Quiroga. Sinalan que os trens da Coruña e Santiago con conexión en Vigo foron moi utilizados polos universitarios do sur de Lugo que estudan nas citadas cidades, especialmente os venres pola tarde para acudir á casa na fin de semana. “Agora Renfe deixounos sen esta posibilidade”, engaden.

Os populares formularán as seguintes preguntas na Cámara Alta:

  • Por que o Goberno de España segue prexudicando aos lucenses eliminando liñas de ferrocarril imprescindibles para a estruturación do territorio?
  • Que alternativas realistas e eficaces vai poñer en marcha o Goberno de España para que os usuarios das liñas procedentes da Coruña, Santiago e Vigo con parada en San Clodio-Quiroga poidan realizar este traxecto polas tardes como se facía antes?
  • Considera o Executivo que é ético deixar aos usuarios do sur da provincia de Lugo e, particularmente aos universitarios, sen unha vía de ferrocarril que lles permita regresar a casa polas tardes?

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...