InicioPolíticaQue as empresas madeireiras arranxen as estrada que danan, demanda do PSOE...

Que as empresas madeireiras arranxen as estrada que danan, demanda do PSOE de Chantada

O grupo socialista chantadino leva ó pleno deste xoves, 10 de xaneiro, unha moción para tratar os danos en vías municipais causados pola explotación forestal. Con esta proposta, o PSOE recolle a alarma que a veciñanza traslada polo estado no que quedaron algunhas vías despois de que se levaran a cabo traballos de corta e recollida de madeira.

Publicado o

POR
Redacción
- Advertisement -

A maquinaria pesada que se emprega nestes traballos de recollida de madeira deteriora as vías, unha situación que está a causar malestar entre a veciñanza que as utiliza diariamente, “xa que moitas quedan impracticables”, co conseguinte risco de accidente.

“Consideramos de vital importancia facer canto estea nas nosas mans para manter as infraestruturas de xeito que garanticen os servizos e que estas situacións causadas pola explotación madeireira se eviten e se corrixan”, puntualiza a voceira do PSdeG-PSOE de Chantada, Raquel López.

Existen xa leis que regulan estas problemáticas. A Lei de Estradas de Galicia do 2013 recolle que “a administración titular da estrada procederá, sen máis trámites e con cargo á persoa causante, á execución das medidas necesarias para a reparación dos danos producidos”.

A voceira do grupo socialista chantadino, Raquel López, explica que no pleno pedirán “elaborar unha ordenanza que regule as condicións nas que se produza a actividade madeireira nas estradas de titularidade do Concello de Chantada, estudando a posibilidade de esixir ás empresas madeireiras a constitución de fianzas”.

Para iso, o PSdeG-PSOE de Chantada proporá no pleno levar a cabo un estudo pormenorizado dos casos nos que a explotación madeireira está a ocasionar danos ou desperfectos nos viais de titularidade do Concello e esixir, así mesmo, a súa reparación ás empresas responsables.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...