InicioPolíticaDesenquistar o porto seco de Monforte, traslada o BNG ao Goberno

Desenquistar o porto seco de Monforte, traslada o BNG ao Goberno

O deputado do BNG no Congreso, Néstor Rego, vén de rexistrar iniciativas para que o Goberno do Estado dea unha solución aos problemas que impiden rematar o proxecto de conexión entre o porto seco de Monforte de Lemos coa N-120.

Publicado o

POR
Redacción
- Advertisement -

O proxecto do porto seco de Monforte foi anunciado en 2001 e inaugurado en 2014, mais, a día de hoxe, vinte anos despois o resultado constitúe un espazo ermo e sen ningunha empresa instalada, debido fundamentalmente á falta de servizos e conexións.

Unha necesidade para a operatividade do porto seco é a conexión coa estrada N-120. Fíxose do porto seco ata As Fontes e a segunda fase das Fontes ata a N-120 está proxectada e aínda non concluíu. “O motivo principal débese ás diferentes posicións das dúas administracións implicadas. Esta conexión é unha vía indispensábel para o funcionamento do Porto Seco, ademais de servir como circunvalación da cidade de Monforte de Lemos” explica o deputado do BNG.

Despois da inauguración ficaron moitos problemas sen resolver como o saneamento, que se resolveu cunha depuradora en 2017, e mesmo a carencia dunha plataforma loxística. “A plataforma non se incluíu na obra da primeira fase, o que deixaba sen operatividade intermodal o Porto seco” lembra. ADIF anunciou que a plataforma do porto seco será ampliada para estender a lonxitude coa que contan as vías máis próximas á zona destinada a carga e descarga, “mais segue sendo unha promesa”.

Segue pendente de execución o tramo de apenas un quilómetro de longo que completaría os accesos do porto seco coa  N-120. “Este último tramo foi paralizado polo propia ADIF que denegou a autorización para conectar esta plataforma loxística coa estrada” destaca. O Administrador de Infraestruturas Ferroviarias exixía entón a supresión dun paso a nivel sen barreiras situado a uns cen metros de distancia da infraestrutura viaria.

Porto seco BNG / BNG

O Goberno do Estado tamén puxo o reparo sobre o cruzamento dunha pista de servizo do regadío Val de Lemos, cuxa xestión depende da CHMS, que tamén informou negativamente. “A Xunta pola súa banda afirma que a eliminación dun paso a nivel non é competencia da administración  galega e que a obra de conexión non afecta en absoluto nin ao camiño nin ao paso” informa Rego.

En definitiva, “o porto seco permanece enquistado practicamente desde que se anunciou, hai máis de 20 anos” destaca o deputado nacionalista. O BNG considera fundamental “completar os servizos que fagan desta unha infraestrutura útil e dar un impulso decidido á liña Monforte-Ponferrada para integrala no Corredor Noroeste-Corredor Atlántico de Mercadorías”. Para iso consideran necesario pór vontade política e solucionar os conflitos entre ambas as administracións que permitan completar a conexión entre o Porto Seco e a  N-120.

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...