O BNG avoga pola supresión das barreiras arquitectónicas en Monforte

O portavoz nacionalista, Emilio Sánchez, levará ó pleno do día 24 de setembro dúas propostas ademais dunha moción, onde se avogará pola supresión de barreiras arquitectónicas e instalación de elementos de xogo para persoas con discapacidade.

Paso de peóns na Rúa Manuel María/BNGSUL

Por unha banda, o portavoz do BNG solicitará o arranxo e eliminación de barreiras arquitectónicas na rúa Doutor Casares, no tramo que comprende dende a Praza Doutor Goyanes ata o cruce co Paseo do Malecón e pola outra, pedirá a instalación de elementos de xogo para persoas con discapacidade, tales como bambáns para cadeiras de rodas nos parques infantís da cidade.

Seguindo esta liña, tamén se solicitará o cambio de emprazamento do paso de peóns que discorre por diante do bazar oriental da Rúa Manuel María e facelo coincidir co rebaixe da beirarrúa para facilitar o tránsito de persoas con mobilidade reducida.

Finalmente, pedirá o arranxo e reposición do pavimento no Parque dos Condes á altura do embarcadoiro e a reparación dos bancos do Paseo do Malecón.

Estado do pavimento do Parque dos Condes/BNGSUL

 

DEIXAR UN COMENTARIO

Please enter your comment!
Please enter your name here