Ana Pontón visita Chantada

Será este martes, 5 de xullo, día no que manterá unha intensa axenda de encontros económicos e sociais. Visitará algunhas empresas do Polígono Industrial Os Acivros, unha adega e terá para rematar a xornada un encontro coa veciñanza.

Ana Pontón / BNG

A portavoz nacional do BNG, Ana Pontón, realiza unha visita a Chantada este martes 5 de xullo. O obxectivo é manter unha intensa axenda de encontros económicos e sociais que iniciará coa visita a fábrica Daveiga, galletas mariñeiras e que continuará despois na empresa A túa xanela, especializada na instalación das novas tecnoloxías tamén en concellos de tamaño medio. Para rematar a xornada matinal, e acompañada dos responsables locais e comarcais do BNG, Pontón aproveitará para facer unha visita ao mercado do gando.

Pola tarde, a líder do Bloque visitará a Adega e viñedos Lareu, tendo en conta o estratéxico do sector vitivinícola na comarca, e finalizará a xornada cun acto público aberto á veciñanza na praza do Cantón ás 20.00 h. Neste encontro intervirán tamén a responsable comarcal, Rosana Prieto, e o responsable local en Chantada, Manuel Moure.

DEIXAR UN COMENTARIO

Please enter your comment!
Please enter your name here