Os resultados electorais do PP monfortino decantan a balanza a favor de Roberto Eireos

Nos últimos días a actualidade política de Monforte centrouse en quen sería o candidato do PP ás eleccións de maio, despois de que ao nome da potavoz municipal, Julia Barreira, se sumase o do empresario Roberto Eireos.

Raquel Arias e Julia Rodríguez / PP provincial

Nesta situación, a dirección provincial do Partido Popular de Lugo reuniuse co Grupo Municipal Popular de Monforte para aclarar os pasos seguidos para conformar unha candidatura no concello de Monforte cara ás vindeiras eleccións municipais,.

Segundo informan desde o PP provincial, comezouse a valorar unha candidatura encabezada por Roberto Eireos, concelleiro popular en Pantón e coñecido empresario en Monforte, tendo en conta os resultados electorais e pola información que lle fixo chegar a veciñanza de Monforte.

Roberto Eireos. Fonte: R.E.

Afirman desde o PP que respaldan o traballo do Grupo Municipal do PP de Monforte e recoñecen a dedicación o empeño da voceira municipal e deputada autonómica, Julia Rodríguez. Nese sentido, aseguran que seguirán a traballar xuntos para representar ao PP e defender os intereses de Monforte desde a corporación municipal.

DEIXAR UN COMENTARIO

Please enter your comment!
Please enter your name here