InicioPolíticaPensións dignas, unha protesta con escaso eco en Monforte

Pensións dignas, unha protesta con escaso eco en Monforte

Monforte sumouse esta tarde, cun decepcionante seguimento, ás mobilizacións convocadas pola CIG en toda Galicia en demanda de pensións dignas. Unhas corenta persoas concentráronse diante do concello para reivindicar os dereitos dos xubilados presentes e futuros.

Publicado o

- Advertisement -

As pensións semella que non son un problema na Terra de Lemos. En Monforte, como en moitas cidades galegos, tivo lugar unha mobiización en demanda de pensións dignas e, de paso, tamén se reivindicaron emprego e salarios decentes.

A concentración comezou ás 20:00 horas diante do concello de Monforte. E alí, convocados pola central sindical CIG, só se deron cita unhas corenta persoas que amosaron a súa indignación coas políticas do goberno demandando ademais un sistema público de pensións que garanta que se cobre hoxe e tamén no futuro. E, aínda que é un problema dos pensionistas actuais tamén se evidenciou que o tema tamén é preocupante para os que veñen detrás, fillos e netos.

Monfortinos en demanda de pensións dignas

“Non faltan cartos, sobran ladróns”, “reforma laboral, reforma das pensións, esiximos derrogación” ou “mans arriba, isto é un atraco” foron as consignas que se berraron. Ao final da mobilización un dos convocantes leu un manifesto. A anécdota da tarde foi que no transcurso da mesma entraba no concello o alcalde José Tomé e nese momento os manifestantes berraron “a ti que estás mirando, tamén che están roubando” e “e a culpa de quen é? do PSOE e do PP”.

O tema central do manifesto foi reivindicar un sistema público de pensións digno, xa que foi unha conquista da clase traballadora tras décadas de loita, e deixar claro que as mobilizacións non cesarán. Ademais aproveitouse esta convocatoria para lembrarlle aos asistentes á Folga Xeral do 19 de xuño,  convocada só pola CIG, aludindo que é a “arma máis poderosa” que hai para defender as pensións públicas e os dereitos roubados á clase traballadora galega. Uns pensionistas e nha clase traballadora que esta tarde, alomenos en Monforte, preferiron ocupar o tempo noutras cousas que acudir a esta protesta.

ÚLTIMAS

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...