O PSOE reclama 2,3 millóns da Xunta para o suroeste da provincia

Segundo os socialistas o PP discrimina aos veciños Antas de Ulla, Carballedo, Chantada, Monterroso, Palas de Rei e Taboada ao non deixar nos orzamentos do 2019 case ningún investimento para esta zona.

Encontro comarcal no suroeste / PSOE

No concello de Chantada, o PSOE demanda 300.000 euros para mellorar os problema co suministro eléctrico no polígono dos Acivros. Tamén piden 75.000 euros para o proxecto dunha nova depuradora, para solucionar os continuos vertidos ao río Asma dende 2007.

Con respecto á estrada LU-231 Friol-Palas de Rei, aseguran os socialistas que o PP suma un total de 860.000 euros prometidos pero nunca executados. No 2019 contémplanse 750.000 euros, os socialistas esixen o inicio inmediato desta actuación e un investimento mínimo para o 2019 de 1,3 millóns.

Os socialistas esixen 450.000 euros do novo Orzamento da Xunta para mellorar o saneamento e ampliar a depuradora de Monterroso. Lembran que no 2011, o PSOE no Goberno municipal adquiriu os terreos e redactou o proxecto para ampliar a depuradora, pero dín que o PP na Xunta rexeita colaborar.

Como demandas históricas da zona, tamén figura a segunda panta da residencia para maiores e un centro de día no municipio de Antas de Ulla, cuestión para a que reclaman 200.000 euros.

DEIXAR UN COMENTARIO

Please enter your comment!
Please enter your name here