A principal vía de acceso á capitalidade municipal da Pobra do Brollón foi obxecto de obras nestes dous últimos anos coa intención de acondicionala e humanizala. Fíxose unha nova pavimentación máis acorde co medio, elimináronse barreiras arquitectónicas, colocáronse beirarrúas que lle dan aspecto de “boulevard”, plantáronse árbores de sombra e colocouse un novo alumeado público.
Para o equipo de goberno, poñer en valor a Avenida de Outeiro era fundamental porque dá aceso peonil a algúns dos principais servizos do concello, como o centro de Día, o pavillón ou a Escola de Música e tamén porque mellora os servizos para os veciños/as da zona.
Con estas melloras en equipamentos o equipo de goberno entende que se dá resposta ás necesidades da vila mellorando a calidade de vida de veciñas/os facendo da Pobra un lugar agradable e cómodo para vivir.
As actuacións foron financiadas a través de dous convenios do concello coa Deputación Provincial de Lugo.