Julia Rodríguez empeza a soltar lastre

A deputada e portavoz do partido popular no Concello de Monforte presentou finalmente a súa dimisión como presidenta do PP monfortino.

Julia Rodríguez co seu equipo. Fonte: PP Monforte

Nin vinte e catro horas, transcorridas dende que falou con este medio, lle fixeron falta a Julia Rodríquez para desfollar a margarida e tomar a decisión de abandonar a presidencia do partido a nivel local. Era visto, e xa se cheiraba no ambiente, pero foi o xoves 24 de xaneiro cando o fixo oficial nunha reunión que mantivo na sede do partido da cidade co Cabe cos compañeiros e compañeiras de partido.

Para moitos estaba cantado e xa bastante contención tivo aguantando ata este momento despois dos continuos despropósitos que se viñeron dando dende que transcendeu que en Lugo tiñan un candidato á alcaldía de Monforte e este era o empresario Roberto Eireos.

Rodríguez, molesta con este movemento do que non tivo constancia persoal previa, tivo apoio a nivel local provocando que Eireos acabase renunciando ao ofrecemento de liderar lista por Monforte. Era o momento de volver a intentalo e Julia deu o paso avalada pola dirección local. E nin con esas, cansada de esperar un pronunciamento do PP provincial apartouse e deixou vía libre, momento no que transcendeu o nomeamento de José Miguel González Lemos.

Julia Rodríguez mantívose na prudencia, demostrou moita contención e fidelidade ao partido co cal ningún medio lle sacou ata o momento “de palabras dela” o seu sentir real. Nas últimas comparecencias e declaracións á prensa moveuse no terreo das evasivas e das vaguedades para non dicir o que realmente pensa, pero a decepción non se pode ocultar xa e o desgaste emocional é evidente co cal o lastre ten que empezar a saír. Velaquí a primeira entrega, dimisión como presidenta do PP monfortino nas portas da presentación do candidato este sábado 26 de xaneiro. Quizais solte máis lastre, pero xa se saberá…

DEIXAR UN COMENTARIO

Please enter your comment!
Please enter your name here