InicioPolíticaJosé Manuel Franco, Presidente de Honra do PSOE da Pobra do Brollón

José Manuel Franco, Presidente de Honra do PSOE da Pobra do Brollón

Orixinario de Castroncelos é o actual Secretario Xeral en Madrid, leva militando no partido socialista máis de 30 anos e iniciou a súa carreira política en Monforte de Lemos, concello onde foi concelleiro.

Publicado o

- Advertisement -

O Grupo Socialista da Pobra do Brollón nomeou por unanimidade a José Manuel Franco Pardo como Presidente de Honra. Segundo palabras do Secretario Xeral, Alfonso Alaya, e o Voceiro, Javier González, este merecido recoñecemento chega “pola súa constante implicación coa Pobra do Brollón, poñendo en valor as súas orixes, e pola súa acérrima defensa das políticas sociais, a igualdade e o galeguismo”.

Franco Pardo, pola súa parte, agradeceulle aos compañeiros este nomeamento e subliñou que era un orgullo e algo moi especial para el ser Presidente da agrupación porque ten verdadeiros amigos e familia na Pobra do Brollón. Engade ademais que, aínda que vive en Madrid, vén sempre que pode para gozar da tranquilidade e beleza da contorna así como para palpar o agarimo que lle teñen os veciños, agarimo certamente recíproco.

José Manuel Franco. Fonte: PSdeG PSOE provincial

José Manuel Franco Pardo é veciño natural da parroquia de Castroncelos, Profesor Honorario da Facultade de Dereito da Universidade Autónoma de Madrid e actual Secretario Xeral do PSOE en Madrid. Leva militando no Partido Socialista máis de 30 anos tendo iniciado a súa traxectoria política en Monforte de Lemos como concelleiro.

ÚLTIMAS

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...