En Marea pide no Parlamento solucións ante a falta de persoal médico en Chantada e en Folgoso do Courel

En Marea tamén esixe que se definan orzamentos e anualidades do plan director do Hospital de Monforte.

Protestas Sanidade no Courel / EnMarea

En Marea pregunta á Xunta como vai  solucionar a falta de praza fixa de medicina familiar en Seoane do Courel e interésase polos días que quedaron cada un dos centros de saúde do Courel sen persoal médico no 2018 e 2019.

Segundo En Marea, nestes días tampouco se cubriron baixas e permisos de persoal facultativo no Centro de Saúde de Chantada, coa correspondente saturación de pacientes. Lembran que de haber unha urxencia nun domicilio, a situación desbordaríase, sobre todo se o aviso é no rural de Chantada.

En Marea, a través da Deputada Paula Vázquez Verao, reiterou, ademais, a solicitude á Xunta de que o “plan director” do Hospital sexa presentado detalladamente, con prazos e orzamentos, porque segundo a formación política “é unha tomadura de pelo que a Xunta non dea a información completa e que non se comprometa coas necesidades de persoal e especialistas do Hospital”.

DEIXAR UN COMENTARIO

Please enter your comment!
Please enter your name here