O secretario xeral do PSdeG-PSOE, Gonzalo Caballero; o portavoz socialista no senado, Ander Gil e o alcalde de Monforte, o socialista José Tomé, repartiron este luns, día 22, propaganda electoral no municipio de Monforte.
Durante a visita, as declaración aos medios centráronse no debate desta noite. Ander Gil auguraba un debate de catro intervintes, no que “tres candidatos se disputarán ver quen é o líder da oposición, e un presidente, Pedro Sánchez”. Como presidente, aseguraba que “Pedro Sánchez plantexará propostas aos problemas do día a día dos cidadáns”.
Para Gonzalo Caballero, o debate importante é “se en España goberna o PSOE ou a coalición tripartita da dereita ou ultradereita”. Segundo Caballero os dous proxectos están moi definidos, e son: “o proxecto da maioría social do avance liderado polo PSOE e Pedro Sánchez, fronte a outras formulacións de retroceso, de abandono de avances e liberdades”. Gonzalo Caballero considera que unha maioría de cidadáns opina na mesma liña, ou un goberno tripartito da dereita coa ultradereita ou un goberno socialista presidido por Pedro Sánchez.