Aposta por rexistrar a marca O Courel – O C@urel

C@urel Vivo presenta unha moción ao próximo pleno do concello para rexitrar a marca O Courel – O Caurel e notificar a CECOSA Varios, S.L. que está a incumprir a lei ao utilizar o nome do Caurel nos seus produtos.

O Courel / Orlando Gregorio

Segundo a formación política, a empresa CECOSA Varios S.L. non se axusta á lei ao utilizar a marca O Caurel nos seus produtos porque dá a entender que proceden deste concello, cando non é o caso. A formación política asegura que se incumpren os artigos 6.3, 6.4 e 7 do Regulamento de Etiquetado, Presentación e Publicidade dos Produtos Industriais Destinados á Venda Directa ós Consumidores e Usuarios.

Denuncian desde C@urel Vivo que a empresa tamén incumpre a lei 5/2005, de 26 de maio para a conservación dos espazos de relevancia ambiental, no Artigo 43. Por este motivo propoñen esixirlle, como primeiro aviso, que deixe claro nos seus embases a procedencia da carne, que non ten que ver co concello.

Etiquetaxe do produto / C@urel Vivo

En xullo do vindeiro ano renovarase a etiqueta coa marca Caurel e a formación política quere impugnar esa renovación, poñendo un recurso ante a Dirección da Oficina Española de Patentes e Marcas.

Para evitar que no futuro se produza un caso similar, no que unha empresa utilice a marca O Caurel sen ter nada que ver con este territorio, solicitan rexistrar a marca oficialmente para que poida ser utilizada polas empresas do concello como produtoras e elaboradoras dun produto, efectivamente do Courel.

DEIXAR UN COMENTARIO

Please enter your comment!
Please enter your name here