O alcalde de Chantada será tamén candidato do PP ao senado, que opinan da maniobra os socialistas?

Segundo o PSOE de Chantada o “regreso do alcalde ao PP ven motivado polas súas ambicións persoais e danlle igual os veciños de Chantada”.

Alcalde de Chantada / Concello de Chantada

A voceira socialista de Chantada, Raquel López Rodríguez, sinala que “ao señor Varela dálle exactamente igual os chantadinos, é unicamente por ambicións persoais”. Segundo os socialistas todo isto responde a un “paripé” do Alcalde e do PP, “do que terán que dar explicacións aos veciños de Chantada”. Despois de coñecerse que Manuel Lorenzo Varela ocupará o terceiro posto da lista dos populares ao senado, Raquel López asegura que “O verdadeiro candidato a Alcalde é o número 2 da súa candidatura posto que o señor Varela xa ten a cabeza posta noutras cousas e noutros privilexios”.

“Estou convencida de que dará carpetazo ás necesidades dos veciños de Chantada como fixo nos últimos anos, rexeitando iniciativas que beneficiaban ao conxunto da sociedade chantadina, como que o PP achegue investimentos dos cartos recadados polo canon da auga; ou non sumándose as demandas dos chantadinos, como a defensa dunha atención primaria digna, gratuíta e de calidade”.

“O señor Varela xa non ten escusas, quedou retratado como o que realmente é, unha persoa que se move polo interese persoal. Os veciños de Chantada necesitan un equipo preparado e traballador que representamos os socialistas” apunta Raquel López.

DEIXAR UN COMENTARIO

Please enter your comment!
Please enter your name here