InicioCulturaDespois de “Nacer Viño”, lendas e misterios no segundo episodio de Adegas...

Despois de “Nacer Viño”, lendas e misterios no segundo episodio de Adegas da Memoria

Este xoves, día 11 de abril, ás 20.00h, estréase o segundo episodio de Adegas da Memoria. Proxectarase no ciclo Cine e Máis e online a través da web do proxecto que promove o Concello da Pobra do Brollón e a Asociación de Veciños de Vilachá de Salvadur, no Concello da Pobra do Brollón.

Publicado o

- Advertisement -

‘Somos soños’ é o título do segundo episodio de ‘Adegas da Memoria’, unha serie documental que indaga no presente e pasado da Ribeira Sacra dende a parroquia de Vilachá. Con este episodio xa serán dous os publicados na primeira tempada da serie, que baixo o título ‘A Humanidade do Patrimonio’, ten por obxectivo que sexan os propios veciños os que presenten o seu territorio. ‘Somos soños’, céntrase nas lendas asociadas a Vilachá, como o temible alláparo, ou o misterio do santo fuxitivo.

O vídeo proxectarase ás 20:00h na Casa da Cultura ‘Olga Novo’ da Pobra do Brollón, dentro do ciclo ‘Cine e máis’. Tras a proxección segue a programación do ciclo cunha charla e debate co xeógrafo Xose Constenla, autor de O colapso territorial en Galiza (Xerais).

O vídeo estará dispoñible, tamén desde 20:00 horas na páxina web (www.adegasdamemoria.com) e nos perfís de Facebook (@adegasdamemoria) e Vimeo de Adegas da Memoria.

Adegas da Memoria

A serie ‘Adegas da Memoria’ enmárcase nun proxecto homónimo que promove o Concello da Pobra do Brollón e a Asociación de Veciños de Vilachá para dinamizar a Ribeira desde a perspectiva das persoas que viven e traballan nela. Ademais, coa colaboración do Incipit-CSIC, vaise levar a cabo o primeiro gran estudo sobre as orixes da Ribeira Sacra, desde un achegamento multidisciplinar no que participarán máis de quince científicos nos ámbitos da etnoarqueoloxía, a arqueoloxía da arquitectura e a edafoloxía.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...