Cal é o futuro do porto seco e do emprego en Monforte?

O 43% dos parados da zona sur da provincia están no Concello de Monforte, con máis de 1.100 parados.

Monforte de Lemos / XdL

CCOO considera que os úlimos 4 anos no Concello de Monforte foron tempo perdido por non terse implantado ningunha empresa no porto seco e non terse creado empregos no Polígono do Reboredo.

O sindicato asegura non entender que despois de 18 anos o porto seco non teña unha xerencia que impulse a chegada de empresas. Desde o sindicato denuncian que se prometera a chegada de empresas como Pacadar e que o resultado sexa que non chegou nada do prometido por algún representante político e as parcelas do porto seco atópanse totalmente abandoadas.

A Secretaría de Acción Sindical de CCOO Lugo considera o emprego unha prioridade ao contar con máis de 2.500 parados na zona sur, correspondéndolle ao Concello de Monforte máis 1.100, o 43% dos parados da zona sur.

Desde o sindicato amosan a súa preocupación “pola desidia dalgúns políticos falando de emprego para mozos e pais de familia, e deslúmbrannos con farolas e chapapote todos os días”.

DEIXAR UN COMENTARIO

Please enter your comment!
Please enter your name here