IniciosociedadeEntregada unha vivenda de promoción pública no Incio

Entregada unha vivenda de promoción pública no Incio

A Consellería de Medio Ambiente, Territorio e Vivenda vén de entregar en réxime de alugamento unha vivenda de promoción pública situada neste concello.

Publicado o

- Advertisement -

No acto simbólido de entrega participou o alcalde, Héctor Corujo, e o delegado territorial da Xunta en Lugo, José Manuel Balseiro.

Balseiro lembrou que as persoas interesadas en optar a este tipo de adxudicacións poden en calquera momento inscribirse no Rexistro Único de Demandantes, que xestiona o Instituto Galego de Vivenda e Solo (IGVS) -dependente da citada consellería-. A inscrición pode realizarse presencialmente ou a través da sede electrónica da Xunta e ten unha vixencia de tres anos. Este rexistro serve de base aos sorteos polos que se elaboran os listados de adxudicatarios nos distintos municipios.

A vivenda que se puxo a disposición no Concello do Incio está emprazada na rúa do Rodeiro e ten unha superficie útil de case 90 metros cadrados. Consta de tres dormitorios, dispón de rocho e garaxe.

O Delegado Territorial da Xunta destacou así mesmo que o Instituto Galego de Vivenda e Solo (IGVS) tramita con axilidade as adxudicacións, de forma que “tan pronto unha vivenda queda baleira, realízanse os trámites para que poida volver a ser ofertada seguindo o listado de adxudicatarios de cada concello”.

ÚLTIMAS

‘Volta ao xogo’: o novo single dos chantadinos TIAM Gz

Tras dous anos sen sacar temas, neste 2024 a banda de Chantada TIAM Gz...

Curso de ‘alquimia herbal’ en Torbeo, Ribas de Sil

Os e as amantes das plantas, e do seu poder medicinal, teñen a vindeira...

Rebaixan a pena dun veciño de Monforte condenado por violación

A sección segunda da Audiencia Provincial de Lugo rebaixou, en aplicación da lei do...

O IES Río Cabe no centro da cultura financieira

Durante a xornada contouse coa visita da directora xeral de Ordenación e Innovación educativa,...