Lucía Pérez, pregoeira das festas de Monforte

A artista do Incio será a encargada de ofrecer o pregón das Festas Patronais de Monforte o próximo 11 de agosto.

A cantante do Incio Lucía Pérez / Cedida

A cantante do Incio Lucía Pérez será a encargada de ofrecer o pregón das Festas Patronais de Monforte. O seu discurso, que terá lugar o 11 de agosto, marcará o inicio dos festexos monfortinos, que contan cunha importante programación musical.

Lucía Pérez acaba de sacar o álbum Quince Soles, o segundo no que cante en galego. Neste traballo celebra os seus 15 anos na música a través de 15 cancións. Con ela colaboraron artistas moi diversos, como Chenoa, Rosa Cedrón, Susana Seivane, Emilio Rúa e Tonhito de Poi, entre outros.

José Tomé, alcalde de Monforte, destaca que Lucía Pérez “é unha persoa moi querida polos monfortinos”. O rexedor socialista insistiu en que o seu Equipo de Goberno segue a manter a idea de inaugurar os festexos con persoas relacionadas coa vila ou a provincia. Por iso, destacou as orixes da cantante, que naceu no veciño municipio do Incio.

DEIXAR UN COMENTARIO

Please enter your comment!
Please enter your name here