Fronte común do PP e PSOE para evitar o peche da Banca en Seone do Courel?

C@urel Vivo amosa a súa preocupación ante as informacións do peche, 3 días á semana, da oficina da Banca en Seoane.

Concello Courel e oficina A Banca Seoane / XdL
Segundo C@urel Vivo o concello está levando as negociacións coa entidade bancaria, A Banca, con ocultismo cara ós veciños e a oposición. Segundo esta formación política, no caso do anuncio da Banca de pechar tres días á semana, o concello fai como noutras ocasións e “ponse de perfil ante a constante perda de servizos públicos e privados que afectan directamente á veciñanza”.
C@urel Vivo asegura que “Non pode ser que unha entidade, que foi rescatada con fondos publicos, regalada a inversores privados e que agora, xera millóns de euros de beneficios ó ano usen os nosos aforros para ganar millóns de euros cada ano, e logo pechen entidades parcialmente, en lugares como Seoane, onde non teñen competencia.”
Para C@urel Vivo non é de recibo que os veciños despositen os seus cartos nunha entidade á que non teñen acceso cando eles o precisan. Con estes antecedentes solicitan un fronte común de PP e PSOE para solicitar o NON PECHE da BANCA.
De seguir adiante a entidade cos seus plans de peche, C@urel Vivo asegura que esixirá a retirada dos depósitos que o Concello ten nesa entidade e que se deixe de operar con ela dentro das posibilidades.

DEIXAR UN COMENTARIO

Please enter your comment!
Please enter your name here