Os desaloxos fixéronse como medida preventiva, xa que as chamas atopábanse próximas ás vivendas aínda que non chegaron a ocasionar danos nelas. Os servizos de extinción de incendios seguen tratando de apagar as chamas e arrefriar o terreo. As parroquias monfortinas máis prexudicadas son as de Seoane, San Xulián de Tor, San Cibrao da Vide, Moreda e Baamorto. Nesta última foi na que se iniciou o lume, concretamente na parroquia de Cinsa, segundo explicou o alcalde de Monforte, José Tomé.
O incendio calcinou rápidamente 350 hectáreas de terreo en catro horas e afectou a leiras particulares, monte, zonas rasas e prados, pero non a edificios. As parroquias máis afectadas son próximas ao núcleo de Monforte e estaban ben comunicadas para o acceso dos servizos de extinción.
O Ministerio de Agricultura, Pesca e Alimentación dispuxo para este incendio 14 medios aéreos e tres brigadas de especialistas. Interviron tamén catro avións anfibios de gran capacidade, 2 anfibios de 3.100 litros, un helicóptero Kamov, tres BRIF, un avión de coordinación e unha unidade móbil de análise.
Interviron neste incendio catro avións anfibios Canadair, de 5.500 litros de capacidade de descarga, procedentes das bases de Labacolla (A Coruña), Matacán (Salamanca) e Torrexón (Madrid). Tamén dous avións anfibios, de 3.100 litros, da base de Rosinos, en Zamora, e un helicóptero tipo Kamov, de 4.500 litros de capacidade, cuxa base se atopa en Ibias (Asturias).
Contouse con tres brigadas de reforzo en incendios forestais (BRIF), cos seus correspondentes helicópteros de transporte e extinción. Estes equipos proceden das bases de Tineo (Asturias), Laza (Ourense). Ademáis dun avión de coordinación (ACO), da base de León, e unha unidade móbil de análise e planificación, procedente de Ourense.
