10 domingos no Camiño de Inverno

O Concello da Pobra do Brollón, a través do plan O Teu Xacobeo da Xunta, organiza unha serie de rutas de balde polo Camiño de Inverno, desde San Lourenzo de Nocedo en Quiroga, ata Santiago de Compostela. As rutas desenvolveranse os domingos en setembro e outubro deste ano e en marzo do 2020.

A Pobra do Brollón / Concello A Pobra do Brollón

A primeira ruta terá lugar o domingo 22 de setembro, camiñando dende Nocedo ata A Pobra do Brollón. Todas as xornadas comezarán ás 8 da mañá, coa saída do bus da Pobra do Brollón, dende o antigo cuartel da garda civil. As etapas son sempre inferiores a 19 Km, polo que se agarda rematar cara a hora de comer, para posteriormente xantar nun restaurante local, ou ben levar a propia comida.

Segundo o alcalde, Xosé Lois Maceda, o Camiño de Inverno é un pilar da estratexia turística do concello para a dinamización economica, “Con esta iniciativa, as e os veciñas e veciños poderán vivir a experiencia de primeira man de facer o Camiño, algo que pode facilitar a integración e o intercambio cos peregrinos que pasan por terras guímaras,’. Neste senso o Concello traballa na  conversión do antigo cuartel da garda civil da Pobra como albergue.

Este ano camiñarase dende San Lourenzo de Nocedo (Quiroga) ata Rodeiro, provincia de Pontevedra. En marzo do 2020 completarase o Camiño dende Rodeiro ata Santiago de Compostela. Para todas as etapas contarase con autobús e guía turístico autorizado.

Todas as rutas son de balde, sendo necesario inscribirse antes do mércores previo á ruta por WhatsApp no teléfono 650624828 indicando o nome completo, DNI, e a etapa (ou etapas) nas que se queira participar.

DEIXAR UN COMENTARIO

Please enter your comment!
Please enter your name here