Concentracións polo crime machista de Valga

FEMforte convoca para este mércores, día 18, ás 20:15hs. unha concentración no Campo de San Antonio en repulsa polo triple crime de Valga. As convocatorias de Concellos e Deputación sucédense desde onte.

Casa do Concello Monforte / Concello de Monforte
Na súa convocatoria FEMforte sinala que “é preciso construir dende o ámbito local un rexeitamento social unánime do terrorismo machista. Por tal motivo unímonos á convocatoria simultánea que terá lugar maña en máis de 40 municipios galegos. Nas concentracións instaremos aos poderes públicos a adoptar novas medidas  urxentes (xa que as actuais estase a ver que son insuficientes e/ou inadecuadas) e a incrementar os recursos que destinan para a loita contra a violencia machista.”
FEMForte sinala tamén que que dos 3 feminicidios ocurridos en Valga, só un deles será considerado como violencia de xénero segundo a lexislación estatal. Os dous restantes non contarán nas estatísticas de violencia machista nin penalmente se lles poderá imputar o agravante de violencia de xénero, senón que serán tratados como homicidios ou asasinatos.
O Concello de Monforte ten convocado tamén un minuto de silencio para este mércores ás 12.00 diante do concello.

DEIXAR UN COMENTARIO

Please enter your comment!
Please enter your name here