Iniciosociedade500.000 euros, retorno económico do Festival 17º Ribeira Sacra

500.000 euros, retorno económico do Festival 17º Ribeira Sacra

O estudo de avaliación do impacto do Festival 17º Ribeira Sacra cifra en preto de 500.000 euros o retorno económico deste evento en toda a súa zona de influencia. A terceira edición celebrouse do 18 ao 20 de xullo en localizacións de Monforte de Lemos, Sober e Chantada; e os días 26 e 27 en Castro Caldelas, Ribas de Sil e Nogueira de Ramuín

Publicado o

A Consellería de Cultura está a impulsar a elaboración deste tipo de informes socioeconómicos nos eventos patrocinados pola Administración galega baixo a marca FEST Galicia, co obxecto de coñecer de forma concreta a súa repercusión.

- Advertisement -

Os resultados do Festival 17º foron obtidos a partir de 815 enquisas directas a asistentes e das cifras facilitadas polo propio festival. Por exemplo, contabilizáronse 3.500 visitas (unhas 1.600 persoas diferentes), das que un 21% procedían de fóra de Galicia, cun gasto medio por persoa e día estimado en 77 euros (sen incluír transporte).

Con iso, o retorno do impacto económico sitúase en 2,5 euros por cada euro investido polo festival, subliñando que esta contía “se incrementa notablemente ao analizar a optimización do investimento público por parte da organización do evento”. Entre outros datos destacables está a valoración do público, que puntúa esta última edición cun 8,2 sobre 10 e, en concreto, outorga notas próximas ou por encima dos 9 puntos a cuestións como a localización e integración na contorna, o trato do persoal, a sensación de seguridade ou o mantemento dos espazos.

No relativo ao perfil de asistente máis común, trátase dunha muller, galega, de entre 35 e 44 anos, con estudos universitarios, traballadora por conta allea e que acode en grupo con dúas persoas.

ÚLTIMAS

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...

A Xunta reactiva as notificacións para queimas agrícolas

A Xunta de Galicia decidiu volver activar os permisos para queimas agrícolas de particulares....