Guitián continúa ao fronte do consorcio turístico da Ribeira Sacra

Este 9 de outubro, o Consorcio de Turismo Ribeira Sacra, pechábao coa celebración de sesión plenaria, na que se constituiu o novo Consello Reitor logo da celebración das eleccións municipais e segundo recollen os estatutos que rexen á entidade.

Pleno Consorcio / Consorcio de Turismo

Os estatutos do Consorcio de Turismo da Ribeira Sacra establecen un total de 227 votos que se reparten o membros designados polos 21 Concellos, o Consello Regulador da D.O. Ribeira Sacra e a Asociación Ribeira Sacra Rural.

Presentáronse dúas candidaturas: Luis Fernández Guitián, Representante polo Concello de Sober e que viña exercendo xa como Presidente do Consorcio e José Manuel Rodríguez González, Representante polo Consello Regulador da D.O. Ribeira Sacra. Despois da votación secreta dos 23 integrantes do Consello Reitor, mantén a presidencia Luis Fernández Guitián con 127 votos, 99 votos para José Manuel Rodríguez González e un voto nulo.

A vicepresidencia foi elixida a man alzada e con votación por unanimidade en favor de J. César Parente Pérez, representante polo Concello de Nogueira de Ramuín.

DEIXAR UN COMENTARIO

Please enter your comment!
Please enter your name here