IniciosociedadeFormación dixital para adultos en Sober

Formación dixital para adultos en Sober

A aula de informática e novas tecnoloxías do Concello de Sober ten xa aberta a matrícula dos cursos de formación para adultos para os vindeiros meses. Os interesados poden inscribirse no Centro Sociocultural ou chamando ao número de teléfono 982 460 513.

Publicado o

- Advertisement -

O programa de formación dixital estenderase ata o mes de decembro e ofertará catro cursos:

  1. Configuración de teléfono móbil. Aprender a configurar o móbil, xestionar os contactos, descargas e aplicacións de utilidade para a vida cotiá.
  2. Iniciación á informática, internet e correo electrónico. Aprender a utilizar un ordenador persoal desde a base, iniciación e xestión dunha conta de correo.
  3. Libro electrónico, Galicia-Le, actividade en colaboración coa Biblioteca Municipal de Sober. Manexo da plataforma de préstamo de libros, revistas, audiolibros e películas en formato electrónico das bibliotecas públicas galegas.
  4. Sixpac, sistema de localización xeográfica de parcelas. Manexo do sistema e localización das parcelas.

O primeiro dos cursos, de iniciación ao teléfono móbil dará comezo o 22 de outubro. A aula de informática e novas tecnoloxías está aberta de luns a venres en horario de mañá, de dez a dúas e media. Os martes e o os venres tamén en horario de tarde, de dez a dúas e de catro a oito.

O alcalde de Sober, Luis Fernández Guitián, anima aos veciños e veciñas a formar parte deste cursos de formación nos que xa participaron moitos soberinos e “que nos axudan a gañar competencias en materia de novas tecnoloxías, o que nos facilita a vida no día a día. Grazas a estes cursos podemos pedir citas médicas a través do móbil, facer xestións coas administracións ou descargar aplicacións con innumerables utilidades”, precisa.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...