Novas demandas para a Galiña Azul de Chantada

Por Chantada CUP presenta una moción sobre a adopción de medidas necesarias na Escola Infantil do concello de Chantada e para ampliación das prazas públicas.

Galiña Azul Chantada / tokappdirect.com

Por Chantada CUP lamenta que a escola infantil de Chantada teña a segunda listaxe de agarda máis elevada da provincia, por detrás de Lugo que ten máis de 80.000 habitantes fronte os 8.000 escasos de Chantada.

Segundo a formación política, isto constata ano a ano unha infradotación de prazas no Concello, “cando o problema demográfico é unha cuestión fulcral e as políticas de conciliación e de axuda ás familias deberían ser prioridade nas axendas das institucións para loitar por un rural e un interior galego vivos.”

Por Chantada demanda un novo módulo e unha cociña para a escola infantil, ao considerar que as necesidades da Galiña Azul non son só de capacidade, tamén de servizos e calidade dos espazos. “As familias levan anos demandando un servizo de cociña con cociñeira e opóndose ás pretensións de optar polo catering privado, cuxas consecuencias son ben coñecidas nos centros educativos.  Non é de recibo que nun país europeo unha escola infantil aqueza a comida de crianzas nos microondas da escola, mais isto é o que está acontecendo en Chantada.”

Ademais destas demandas, Por Chantada CUP solicita incluír no Orzamento de 2020 do Concello de Chantada aplicacións orzamentares para desenvolver as obras do novo módulo e a cociña e o repintado da Escola Infantil.

DEIXAR UN COMENTARIO

Please enter your comment!
Please enter your name here