Aprendendo inglés nos Peares

21 alumnos de 1º ESO do IES A Pinguela comezan unha semana no Centro de inmersión lingüística dos Peares

IES A Pinguela na "English Week 2019 / IES A Pinguela

A Consellería de Educación valorou a solicitude de participación na “English Week 2019” que presentara o departamento de Inglés para ese nivel educativo polo que poderán compartir actividades ata o 2 de novembro cos alumnos doutros 4 centros admitidos: IES Lama das Quendas de Chantada, IES Arcebispo Xelmírez II de Santiago de Compostela, IES Xesús Ferro Couselo de Ourense e IES Praia Barraña de Boiro.

O Centro de inmersión lingüística dos Peares é o primeiro complexo creado en Galicia con esas características. Está ubicado no antigo poboado dos traballadores do embalse dos Peares, e conta con profesores profesionais nativos cos que poden adquirir os coñecementos da lingua inglesa dun modo natural e lúdico coas ferramentas da conversación, as actividades de lecer e a convivencia.

DEIXAR UN COMENTARIO

Please enter your comment!
Please enter your name here