O Consello de Administración de “Suelo Empresarial del Atlántico” adxudica dúas parcelas no Polígono Industrial do Reboredo, en Monforte de Lemos. Unha delas conta cunha superficie de 7.046 metros cadrados e un valor de 137.397 euros máis IVE. A outra operación de venda correspóndese cunha parcela de 5.000 metros cadrados, cuxo valor é de 97.500 euros máis IVE.
A xerente de SEA, Beatriz Sestayo, destaca “a importancia da aposta por chan industrial como estratexia de crecemento ordenado e sustentable de máis empresas galegas ou que se asenten en Galicia, coas consecuentes melloras na prosperidade do territorio e no incremento dos postos de traballo nesta terra”.
O Polígono Industrial so Reboredo ten unha superficie de 365.675 metros cadrados, dos que 275.235 metros cadrados son de uso industrial, 3.657 metros cadrados para uso social, 7.313 metros cadrados para zonas deportivas e o resto para viarios e aparcamentos.