Protección Civil fórmase en Chantada sobre accidentes en estradas

Unha trintena de persoas do voluntariado de Protección Civil recibe formación a través da Academia Galega de Seguridade Pública. O curso, que se desenvolve en Chantada entre o 1 o 3 de novembro, conta con 30 horas de duración.

Curso Guías Observer / Deputación de Lugo

Na actividade participan unha trintena de inscritos procedentes das agrupacións de voluntariado de Protección Civil do Saviñao, Chantada, Monterroso e doutras provincias galegas, interesados en adquirir a través dos distintos módulos teóricos e prácticos a formación necesaria na prevención e na intervención en accidentes de tráfico.

O curso inclúe varios módulos nos que se tratarán conceptos xerais e prácticas de primeiros auxilios, excarceración e estudo das intervencións específicas en caso de accidentes nos que estean involucradas mercadorías perigosas ou exista risco ambiental.

Trátase dun curso gratuíto, como o conxunto da formación que a Xunta ofrece ao persoal das agrupacións de voluntarios de Protección Civil dos concellos de Galicia. “A formación no eido das emerxencias permite ofrecer aos cidadáns a resposta máis eficaz ante calquera incidencia” –sinala, o delegado territorial da Xunta, José Manuel Balseiro.

 

DEIXAR UN COMENTARIO

Please enter your comment!
Please enter your name here