A Comisión Escolar de Alertas tomou este mércores a decisión de suspender o xoves a actividade lectiva nas zonas con alerta laranxa por neve da montaña de Lugo.
A suspensión de clases afectará nesta zona a 789 alumnos de 15 centros. Como é habitual nestas circunstancias, en caso de que a situación meteorolóxica supuxese un risco superior ao previsto en zonas non afectadas pola suspensión, os directores poderán adoptar as medidas oportunas.