IniciosociedadeSober en negro contra a violencia

Sober en negro contra a violencia

O Concello de Sober vén de adherirse á campaña de sensibilización ‘En negro contra as violencias’ que se desenvolve con motivo do Día Internacional contra a Violencia de Xénero, que terá lugar o 25 de novembro.

Publicado o

- Advertisement -

O concello de Sober comprométese, deste modo, a levar a cabo unha labor de difusión desta campaña nas dependencias municipais, así como nos centros de ensino, tanto na gardería, como no CEIP Plurilingüe Virxe do Carme e no tecido comercial da localidade. Poden verse tamén na Oficina de Turismo, no Centro de Saúde, na Biblioteca ou na Aula de informática baixo o slogan ‘Sober en negro’.

O obxectivo é desenvolver e xerar accións para a sensibilización e prevención da violencia de xénero na nosa sociedade. Trátase, segundo explica o rexedor, Luis Fernández Guitián, de facer a todo o mundo “partícipe da iniciativa para tomar conciencia da importancia de rematar con esta lacra que non cesa”.

En qué consiste a campaña?

É unha acción colectiva de sensibilización social contra as violencias machistas que xorde no 2015 en Santiago de Compostela, co impulso da Administración local, e que ano tras ano foi medrando, involucrando a máis concellos, institucións e sectores, chegando a expandirse de xeito viral mesmo fóra de Galicia. Aínda que está latente durante todo ou ano, é sobre todo no mes de novembro, e no 25N –Día Internacional da Eliminación da Violencia contra a Muller–, cando a acción desprega a súa actividade de forma máis intensa.

Dende o seu inicio buscouse implicar o tecido económico, asociativo, educativo, deportivo, social e cultural, así como a toda a cidadanía, nunha resposta colectiva de rexeitamento das violencias de xénero e mais dos asasinatos machistas.

Tamén se apostou por identificar, transmitir e incidir nos comportamentos e expresións verbais que están detrás das violencias de xénero a través do uso de materiais de campaña específicos por parte da cidadanía, empresas, establecementos comerciais e axentes sociais.

Para poder formar parte da campaña os concellos teñen que asinar un protoloco de colaboración que se pode consultar na seguinte ligazón: https://ennegrocontraasviolencias.gal/gl/adhesion/concellos

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...