O director xeral coñeceu as inquedanzas dos agricultores e gandeiros da zona en relación con esta especie, presente nos predios de concellos como Pedrafita, Triacastela, Cervantes, As Nogais, O Courel e Samos.
Por este motivo, trasladou unha mensaxe de tranquilidade e avanzou que a Xunta está estudando cos técnicos todas as posibilidades que hai para facerlle fronte a este animal e farao en coordinación co sector. Así, unha das posibles medidas pasaría por desfacer as galerías e os túneles que constrúen estes roedores e que son os principais causantes dos problemas nos cultivos, ao levantar e comer as súas raíces.
Técnicos da Xunta desprazáronse a semana pasada ata a zona para comprobar a superficie afectada por este roedor. Así, José Balseiros indicou que dita área podería abarcar unhas 1.500 hectáreas. O director xeral asegurou que toda medida que leve a cabo a Xunta, na zona será de forma coordinada cos afectados.