A Xunta prevé licitar este ano o desdobre do corredor entre Sarria e A Pobra de San Xiao

Ethel Vázquez, conselleira de Infraestruturas, destacou que se trata dunha actuación "necesaria" por seguridade viaria e para incrementar a competitividade na provincia de Lugo.

Corredor Lugo-Sarria-Monforte

A Xunta mantén a previsión de licitar “a finais deste ano” as obras para desdobrar o corredor entre Sarria e A Pobra de San Xiao, de modo que pase a ser unha autovía de catro carrís.

Así o ratificou a conselleira de Infraestruturas, Ethel Vázquez, este martes a preguntas dos xornalistas durante unha visita a obras de mellora no Camiño Francés en Triacastela.

Respecto diso, asegurou estar “envorcados” como Goberno nunha infraestrutura que consideran “estratéxica” e referiu ao prazo de 24 meses da actuación, por unha contía duns 24 millóns de euros.

O Executivo autonómico está “envorcado”, dixo, “para licitar canto antes esta actuación”. “Seguimos coa planificación prevista de poder licitar estas obras a finais deste ano, aínda quedan semanas, e executar e iniciar as obras en 2020”, sinalou.

Por último, destacou que se trata dunha actuación “necesaria” por seguridade viaria e para incrementar a competitividade na provincia de Lugo.

DEIXAR UN COMENTARIO

Please enter your comment!
Please enter your name here