IniciosociedadeO Muferga destina 142.000 euros a melloras

O Muferga destina 142.000 euros a melloras

O Museo do Ferrocarril de Galicia, situado en Monforte de Lemos, vén de aprobar o orzamento e o plan de actuación para o vindeiro ano, que inclúe a restauración de dúas vías e dunha sección da rotonda así como arranxos na cuberta da nave principal, entre outros proxectos.

Publicado o

- Advertisement -

A principal actuación que se executará nos próximos meses será a reposición de dúas vías, cun orzamento estimado de 45.000 euros. Unha é unha vía morta para apartar material ferroviario e a outra unha vía chamada de escape para entrar na rotonda.

Igualmente, está previsto acometer a primeira fase da restauración da nave de fundición, un edificio moi emblemático que contén fornos e chemineas da época dos trens de vapor. Para elo, requírese renovar a cuberta con tella plana, repoñer os vidros das amplas ventás,  pavimentar o chan e substituír o peche. O orzamento para o vindeiro ano será de 15.000 euros.

Continuarán as melloras na rotonda, que se rehabilitou recentemente, e como obra complementaria vaise actuar sobre unha sección concreta instalando portóns en tres ocos -dos 19 con que conta- que permitirán manter pechadas tres vías nas que realizar traballos varios co material do museo. Tamén se cimentará unha beirarrúa ao longo do perímetro interior da rotonda para facilitar os desprazamentos peonís entre vías. O custo destas  medidas ascenderá a 12.500 euros.

Rotonda Museo Ferrocarril/Muferga

Polo que respecta ao mantemento da nave principal, este ano incluiranse arranxos na cuberta por importe de 6.000 euros para evitar filtracións de auga. O Museo tamén ten en proxecto trasladar ás súas instalacións dous tractores antigos que están no Museo de Camilo Jose Cela, en Padrón, para a súa futura restauración.

ÚLTIMAS

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...