CCOO considera que os bos resultados obtidos nas eleccións sindicais no sur de Lugo, son consecuencia dun “sindicalismo de proximidade ao conxunto dos traballadores, con visitas as centros de traballo. Unha asesoría socio-laboral e uns servizos xurídicos de atención permanente ao traballador”.
A Secretaría de Acción Sindical considera importante “nestes momentos de precariedade”, ter chegado con este proceso electoral sindical a máis de 3.500 traballadores e 91 empresas, sendo CCOO o sindicato maioritario.
Segundo apunta o sindicato, seguirán loitando por recuperar “os dereitos arrebatados coa reforma laboral para devolver a esperanza miles de traballadores da zona sur.”