O custe dos cursos é o mesmo que en edicións anteriores, 10 € para unha actividade; e 15 € para dúas actividades. Para asistir, as persoas interesadas deberán dirixirse ao lugar da súa parroquia onde de costume se imparten as actividades.

Se nalgunha parroquia a tempada pasada non se fixo grupo para algunha das actividades e este período si, poden comunicalo nas oficinas do Concello. Séguese a precisar un mínimo de 7 persoas para facer grupo; en caso de non facelo, as persoas interesadas terían que desprazarse a outra parroquia.

Na actualidades, hai grupos de ximnasia polas mañás en Cereixa, A Estación, Saa, Castroncelos e Salcedo e polas tardes en Piño, Pacios, A Ferreirúa, A Pobra, Canedo e Óutara. Hai grupos de manualidades formados en Saa, A Pobra, Eixón, Óutara, Canedo, Pacios e Salcedo.

‘Son actividades de lecer activo para a nosa veciñanza practicamente na porta da súa casa. É unha proposta necesaria nun concello como o noso, cunha poboación tan dispersa,’ comenta o alcalde, Xosé Lois Maceda. Os horarios específicos de cada grupo pódense consultar na web do Concello da Pobra do Brollón.