O 8 de marzo en Chantada, viño e igualdade

Polamiúda organiza diversas actividades en Chantada este 8 de marzo, cita que coincide coa Feira do Viño. O colectivo sinala a complexidade de organizar o 8M mantendo a presenza e visibilidade e reflectindo o carácter reivindicativo desta data, ao tempo que se respecta a festa.

Feira do Viño de Chantada. /Foto Chery.

Polamiúda acordou manter o horario dos anos anteriores e dar lectura ao seu manifesto ás 12:00 na Praza do Cantón, cambiando este ano de emprazamento para non interferir cos actos que teñen lugar na carpa da Feira do Viño.

Segundo Polamiúda, o 8M é para todas as mulleres un día de loita, pero tamén de celebración da unión e do feminismo. Materializarán a súa reivindicación cunha foliada feminista ás 13:00, tamén la Praza do Cantón, na que agardan a participarión de todxs cos seus instrumentos e as súas voces.

Ás 14:30 celebrarán, tamén, un xantar de mulleres na carpa. As interesadas poden anotarse ata o venres 6 a través das redes sociais de Polamiúda ou por WhatsApp no número “679771996”.

Polamiúda agarda a maior implicación nesta celebración, “Agardamos que todas teñamos tempo e folgos para desfrutar da festa mais tamén para vir berrar con nós que a igualdade de todas as persoas é o único substrato sobre o que sementar o mundo que queremos construír.”

DEIXAR UN COMENTARIO

Please enter your comment!
Please enter your name here