A Delegación da Zona Sur da Asociación Provincial Empresarios Hostalería e Turismo de Lugo, por motivo da celebración do Estase Cocendo, organiza este sábado, 7 de Marzo, unha visita guiada por Monforte, gratuita e aberta a todos os interesados. Comezarase ás 11.00 diante dos Escolapios e a actividade terá unha duración de hora e media; ao remate contarase con degustación de viño da D.O. Ribeira Sacra.
As personas interesadas en participar nesta actividade deben de inscribirse nos teléfonos 982.412.050 / 676.101.649, ou ben anotarse no momento da saída.
Frases de pai
A Asociación de Comerciantes, Empresarios, Profesionais e Autónomos de Sarria (ACES)- CCU desenvolve do 6 ao 19 de marzo a campaña promocional con motivo do día do pai “Frases de pai“. Na campaña participarán case unha trintena de establecementos. Os clientes dos establecementos adscritos á campaña, deberán cubrir os seus datos no tícket de compra e deposítalo na urna habilitada a tal efecto no comercio; despois de escribir unha “frase típica de pai”, nas viñetas que lles serán facilitadas.
A partires do luns 16 de marzo, os escaparates dos comercios participantes amosarán as viñetas recollidas durante a semana. O ano pasado, esta homenaxe fíxoselle ás nais, nesta ocasión os escaparates da vila vestiranse con frases que lembran aos pais.
O martes día 24 de marzo ás 13:00 horas sortearanse douscentos euros entre todos os clientes que participen na campaña, repartidos en 4 vales de 50 euros.
Esta nova campaña convivirá coa campaña que está en vigor no clube do CCU Sarria, “súbete ao clube CCU Sarria e gaña”, que premia a fidelidade dos clientes do CCU con cincocentos euros, repartidos en varias tarxetas prepago, e os cales revertirán de novo no colectivo do CCU.
