27 casos activos na Domusvi de Bóveda

Nas residencias de maiores, Galicia conta con 832 usuarios con Covid19; deles mantense 1 na Domusvi de Chantada e baixa de 2 a 1 a Domusvi de Monforte, porque un dos pacientes deu negativo na última proba.

Axentes medioambientais do distrito forestal de Monforte desinfectando o DomusVi de Bóveda. Foto: D.F.M.

Os últimos datos de casos activos nos centros para persoas con discapacidade confirman o importante aumento de casos na Domusvi de Bóveda. Este centro que conta con máis de 200 persoas, confirmaba o pasado día 8 casos de traballadores e usuarios con Covid19 e a última hora deste domingo coñecíanse novos casos resultado das probas realizadas neste centro, que conta con 16 usuarios e 11 traballadores infectados. Os pacientes están illados no centro e non presentan complicacións, agás unha persoa que está en hospitalización.

A nivel galego estes centros contan con 91 usuarios con casos activos e 74 traballadores. No resto destes centros na zona sur non presentan novidades. Mantéñense os casos do traballador da Vivenda Tutelada Agora de Monforte e no CAPD de Sarria os 15 traballadores e 8 usuarios.

Nas residencias de maiores, Galicia conta con 832 usuarios con Covid19; deles mantense 1 na Domusvi de Chantada e baixa de 2 a 1 a Domusvi de Monforte, porque un dos pacientes deu negativo na última proba. Na residencia de Castro Caldelas seguen os 16 casos activos nos usuarios. Os traballadores con Covid19 nas residencias galegas son 342, deles 5 están na Domusvi de Monforte, 8 na residencia de Castro Caldelas

DEIXAR UN COMENTARIO

Please enter your comment!
Please enter your name here