IniciosociedadeHomenaxe na Pobra do Brollón a quen loita contra o coronavirus

Homenaxe na Pobra do Brollón a quen loita contra o coronavirus

O concello da Pobra do Brollón organizou este mércores un acto para homenaxear aos corpos de seguridade, profesionais sanitarios e aos veciños e veciñas pola loita colectiva fronte ao coronavirus.

Publicado o

- Advertisement -

Representantes do Concello, a Garda Civil, axentes medioambientais e bombeiros percorreron o centro da capitalidade da Pobra do Brollón ata o Centro de Saúde. No percorrido soaron as sirenas dos coches e tamén os aplausos dos veciños dende as súas casas e dos traballadores das tendas e farmacias abertas, que saíron dos seus establecementos para recibir a caravana.

No ambulatorio os participantes da caravana mantiveron un minuto de silencio xunto co persoal sanitario, polas persoas falecidas con coronavirus.

“É unha homenaxe de todos para todos, a todo este pobo que leva tantos días confinado, facendo un exercicio de compromiso e responsabilidade na loita contra o coronavirus e tamén a toda a xente que está en primeira liña e arriscando a súa saúde para preservar a de toda a poboación” declarou ao final do acto o alcalde da Pobra do Brollón, Xosé Lois Maceda.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...