Este sábado, 2 de maio, a provincia de Lugo conta con 227 casos activos de coronavirus, 11 casos menos ca onte, dos que 5 están na UCI, 2 na Mariña e 3 no Hula; e 6 en hospitalización, igual ca onte. Dos hospitalizados 3 están no hospital Virxen do Ollos Grandes e outros 3 no HULA. O Hospital Comarcal de Monforte segue desde o día 22 de abril sen hospitalizados por Covid19.
216 persoas están nos seus domicilios, 12 menos ca onte. Desde o comezo da crise, na provincia lévanse producido 607 altas; 11 máis ca onte.
Os datos correspondentes á zona sur da provincia nas residencias de maiores e centros de atención a persoas con discapacidade mantéñense estables. Na Ribeira Sacra, a residencia de maiores de Castro Caldelas informa da curación dun usuario. Neste centro quedan agora 3 usuarios infectados.