A Covid19 sen cambios significativos na provincia cando comeza a fase 1

156 persoas están nos seus domicilios con diagnóstico positivo, igual ca onte. Desde o comezo da crise, na provincia lévanse producido 715 altas e mantéñense os falecementos en 27, manténdose os mesmos datos deste domingo

Este luns, 11 de maio, a provincia de Lugo conta con 161 casos activos de coronavirus, igual ca onte, dos que 4 están na UCI, igual ca onte; todos eles no HULA. No Hospital da Mariña mantéñense 2 pacientes na UCI, que xa son negativos na Covid19. 1 persoa segue en hospitalización na provincia, igual ca onte. A persoa hospitalizada está no HULA. O Hospital Comarcal de Monforte mantense desde o día 15 de abril sen hospitalizados por Covid19.

156 persoas están nos seus domicilios con diagnóstico positivo, igual ca onte. Desde o comezo da crise, na provincia lévanse producido 715 altas e mantéñense os falecementos en 27, manténdose os mesmos datos deste domingo.

Os datos correspondentes á zona sur da provincia nos centros de atención a persoas con discapacidade deixan dous novos usuarios curados na DomusVi Bóveda, que aínda así segue con máis dunha ducia de infectados. Nas residencias de anciáns da zona sur da provincia os casos activos seguen estables.

DEIXAR UN COMENTARIO

Please enter your comment!
Please enter your name here