O BNG de Monforte pide o reparto xa das máscaras infantís

Os nacionalistas entenden que o concello debe axudar a que a xente se afaga á “nova normalidade ao considerar que é labor das administración axudar a esa adaptación, sobre todo no caso de menores."

Máscaras Quiroga / Concello de Quiroga

O BNG de Monforte de Lemos considera necesario que agora, nas portas do verán o Concello faga un reparto de máscaras entre a poboación infantil “porque é unha obriga innegociable a protección da infancia”, manifesta Emilio J. Sánchez, voceiro da formación na Corporación monfortina.

En ningún momento se nega dende o BNG que se teñan que facer repartos posteriores, como no inicio do curso escolar, pero agora é necesario e urxente, xa que segundo din “no verán haberá máis visitantes co que aumentan potencialmente as posibilidades de contaxios, temos que estar preparados e cumprir coas normas e a infancia é a nosa responsabilidade.”

As crianzas precisan protección agora, co que o reparto debería ser urxente , expuxo Sánchez.

DEIXAR UN COMENTARIO

Please enter your comment!
Please enter your name here