IniciosociedadeO BNG de Sarria reclama ampliar ao rural a resposta institucional ás...

O BNG de Sarria reclama ampliar ao rural a resposta institucional ás agresións machistas

O BNG de Sarria reclama a ampliación do servizo da Oficina de Asistencia ás Vitimas de Delictos Violentos e contra a Liberdade Sexual (AOVD) ás comarcas rurais. A formación nacionalista presentará ao vindeiro pleno unha moción na que se insta á corporación a demandar a extensión a todo o territorio deste servizo de asesoramento xudicial que, ata agora, só conta con oficinas nas sete cidades galegas.

Publicado o

- Advertisement -

Os nacionalistas consideran que a Oficina de Atención ás Vítimas é un servizo fundamental no caso de agresións machistas nas que os procedementos xudiciais son especialmente dolorosos para as vítimas . “O acompañamento profesional que ofrece a Oficina de Atención ás Vítimas durante a denuncia e durante o proceso nos xulgados pode axudarlles a encarar mellor estas situacións”, explica o voceiro do BNG, Efrén Castro.

O BNG pide máis medios, persoal e formación específica en todos os ámbitos nos que o persoal traballa na prevención e atención ás vítimas, xa que considera que moitas veces a resposta institucional xenera sensación de inseguridade e indefensión.

A moción demanda tamén a “condena das actuacións e decisións institucionais que, por acción ou omisión, causan sensación de indefensión e inseguridade nas vítimas” e reitera reclamacións que a formación nacionalista ten feito nos distintos foros nos que ten representación: a creación dun xulgado de violencia de xénero específico para Lugo e a reformulación e ampliación da rede de Centros de Información á Muller (CIM) co fin de que poidan ofrecer asesoramento a vítimas de agresións sexuais.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...