Igualdade e violencia de xénero a debate en Sarria

A candidata por Lugo e coordinadora de Igualdade do PPdeG, Susana López Abella, acompañada do voceiro popular en Sarria, José Antonio García, abordou cunha vintena de mulleres rurais da zona a xestión e o desenvolto dende área que dirixe en materia de conciliación, igualdade e violencia de xénero.

Mulleres rurais Sarria xuntanza PP / PP provincial

A xuntanza de traballo enmárcase na rolda de contactos que Susana López Abella está a levar a cabo por toda a provincia co fin de recoller as propostas das asistentes e explicar en primeira persoa cales os eixos de actuación levados a cabo dende que Alberto Núñez Feijóo chegou á Xunta de Galicia en 2009, así como as principais axudas concedidas. En total, preto de 130 millóns de euros cos que se prestou atención ás vítimas, se reduciu o seu desemprego, se crearon centros de acollida ou se mellorou a conciliación laboral e persoal.

A popular detallou que, dende ese ano, se destinaron máis de 43 millóns de euros a axudas para mulleres vítimas da violencia de xénero; case 2 millóns á atención psicolóxica tanto para este colectivo como para os menores; 2,6 millóns ao programa Rede Galega de Acollemento, a través do que se presta atención ás Casas de Acollida de Lugo Burela e Chantada; case 50 millóns á axudas en entidade locais para a promoción de igualdade; máis de 9 millóns para o Programa Emega, do que se beneficiaron máis de 700 mulleres e se crearon 1.275 empregos; máis de 6,3 millóns para a conciliación laboral e persoal; máis de 13 millóns a subvencións para entidades de iniciativa social para mulleres en situación de vulnerabilidade e preto de 3 millóns para axudas ao fomento do asociacionismo feminismo.

Ademais, sinalou López Abella, “a Xunta tivo un papel moi sinalado no marco lexislativo e na creación de distintos observatorios, cos que podemos dicir, que Galicia dispón dun marco orgánico e legal que ampara esta lacra”. Como é o caso da modificación da Lei Galega de Violencia de Xénero; a creación do I Plan de Igualdade no ámbito educativo; diferentes campañas de prevención e convenios con asociacións; a posta en marcha de maneira pioneira en España da asistencia integral dos orfos vítimas da violencia de xénero; ou a creación da primeira vivenda tutelada especializada para mulleras vítimas da violencia con enfermidade mental.

“Foi un encontro moi construtivo e participativo, no que escoitamos ás asistentes e explicamos tamén a importancia da coeducación e dos recursos que creamos dende a administración autonómica para formar e informar sobre estas cuestións e, sobre todo, para axudar a afrontar a crise sanitaria que nos deixa a pandemia. O Goberno de Galicia adiantouse na xestión do coronavirus, iso é indubidable, pero tamén o fixo no campo que me toca xestionar, e fixémolo con medidas como a indicada”, concluíu López Abella.

DEIXAR UN COMENTARIO

Please enter your comment!
Please enter your name here