Desde a Deputación Provincial sinalan que este convenio demostra a vontade de cooperación cos concellos para axudarlles a sacar adiante servizos e infraestruturas públicas que contribúan ao benestar da cidadanía e á dinamización económica.
Pola súa banda o Concello de Monforte cumpre co compromiso de mellorar as áreas infantís da cidade para que os nenos e nenas poidan xogar nas mellores condicións posibles, o que favorece a súa calidade de vida e o seu bo desenvolvemento.
Tamén en colaboración coa Deputación de Lugo, o Concello monfortino ten iniciado as obras doutro parque de nova creación, entre os barrios de Cobas e A Pinguela, situado detrás do edificio dos Escolapios, á beira do Río Cabe, un novo espazo público de lecer que vai mellorar esta zona da cidade.