Máis da metade dos positivos de Galicia en Covid19 están na provincia

256 casos activos de Covid19 en Galicia, dos que 151 están na provincia de Lugo. Na Mariña ralentízase o aumento de casos, con 3 novos casos este martes, pero aumenta o número de hospitalizados.

Recollida de mostras para análise do COVID19 dende o coche no Hospital Meixueiro de Vigo © Miguel Nuñez

Este martes, 7 de xullo, a provincia de Lugo conta con 151 casos activos de coronavirus, 8 máis ca onte. Mentres na Mariña documéntanse 121 casos activos ao confirmarse 3 novos positivos e terse dado 10 altas. No Hospital da Mariña seguen aumentando as persoas infectadas hospitalizadas e xa son 5 que máis un hospitalizado no HULA fan as 6 persoas hospitalizadas na provincia por Covid19.

Segundo expuxo este martes o presidente da Xunta, Alberto Núñez Feijóo, tres municipios da Mariña –BurelaFoz e Xove-, dos catorce que compoñen a comarca, concentran 108 dos 121 casos activos polo brote de Covid-19. Noutros seis concellos, que non mencionou, “hai 13 casos en total e nos cinco restantes non hai ningún”. Feijóo cifrou o número de persoas en seguimento en 942, con 279 que “xa concluíron este período”.

O número de casos activos en Galicia aumentou en 2 ata os 256 positivos, 60 corresponden á área de Vigo –uno menos con respecto a este luns–; 24 á da Coruña e Cee –seis menos–; 13 á de Santiago e Barbanza –igual–; tres á de Ourense –sen cambios–; 151 á de Lugo –oito máis–; dous á de Ferrol –igual– e tres á de Pontevedra –un máis–.

DEIXAR UN COMENTARIO

Please enter your comment!
Please enter your name here